مه‌ودا میدیا-

دواى ده‌ستگیركردنى شاسوار عه‌بدولواحید، سه‌رۆكى جوڵانه‌وه‌ى نه‌وه‌ى نوێ و بوونى سكاڵایه‌كى زۆر له‌سه‌رى، پرسى داخستنى پرۆژه‌ى چاڤى لاند یه‌كلایی بووه‌ته‌وه‌.

به‌رپرسێكى باڵا له‌ به‌ڕێوه‌به‌رایه‌تیی گشتیی باجه‌كان به‌ مه‌ودا میدیاى راگه‌یاند "بڕیارى داخستنی چاڤى لاند كۆتاییه‌ و به‌ بڕیارى ئه‌نجومه‌نى وه‌زیرانى هه‌رێمى كوردستان بووه‌".

وتیشى "بڕیاره‌كه‌ دراوه‌ و ئاراسته‌ى ئیداره‌ى سلێمانى كراوه‌ و چاوه‌ڕوانین ئه‌و بڕیاره‌ جێبه‌جێ بكرێت و پرۆژه‌كه‌ دابخرێت له‌به‌رانبه‌ر ئه‌وه‌ى چه‌ندین ساڵه‌ باجى نه‌داوه‌".

یه‌كێك له‌و سكاڵایانه‌ى له‌سه‌ر شاسوار تۆماركراوه‌ نه‌دانى باج بووه‌ به‌ حكومه‌ت، هه‌روه‌ها له‌ لایه‌كى تریشه‌وه‌ى خاوه‌ن پشكه‌كانى چاڤى لاند سكاڵایان له‌سه‌ركردووه‌.

ع