مەودا میدیا-

رێکخراوێکی تایبەت بە مافەکانی مرۆڤ لە رۆژهەڵاتی کوردستان ئاشکرایکرد ئەمڕۆ زاوایەک بەناوی (جەلال حسێنی) لە شاری مەهاباد دەستڕێژی گوللەی لە هاوسەر و خەزووری کردووەو هەردووکیانی کوشتووە.

رێکخراوی مافی مرۆڤی هانا رایگەیاند " نەمام فەرهوش و هاوسەرەکەی جەلال حسێنی ماوەیەکی زۆر بووە لە ناکۆکی گەورەی هاوسەرگیریدا بوون و دۆسێیەی جیابوونەوەیان لە دادگا بووە".

ئاماژەی بۆ ئەوەشکرد "نەمام فەرهوش، دایکی دوو منداڵ و خالید فەرهوش دانیشتووی شاری مەهابادن، لەلایەن جەلال حسێنی دەستڕێژی گوللەیان لێکراوە و هەردووکیان گیانیان لەدەستداوە".

ئەوەشی خستەڕوو "بکوژەکە دوای ئەنجامدانی تاوانەکە، هەڵهاتووە و لە سنووری تورکیا دەستبەسەرکراوە بەڵام لە کاتی دەستبەسەر کرانی دەرمانی خواردووە و پێش بردنی بۆ نەخۆشخانە کۆتایی بە ژیانی خۆی هێناوە".

ب ح