مەودا میدیا-

بەڕێوەبەرایەتی گشتیی کارەبای سلێمانی ئاشکرایکرد بەپێی نرخی سووته‌مه‌نی له‌ بازاڕه‌كاندا بۆ مانگی تشرینی یەكەم (10) نرخی هه‌ر كاتژمێرێك کارەبای موەلیدە بۆ یه‌ک ئه‌مپێر (48) دینارە.

بەڕێوەبەرایەتی گشتیی کارەبای سلێمانی رایگەیاند "ئەم نرخە بۆ ئەو قەزاو ناحیانەی سنووری سلێمانییە كە هێشتا كارەباکەیان نەبووە بە بەردەوام لە چوارچێوەی پرۆژەی رووناكی و موەلیدەكانیان كاردەكەن".

ئاماژەی بۆ ئەوەشکرد "ناو سەنتەری شاری سلێمانی و گەڕەکەکانی دەرەوەی شەقامی مەلیک مەحمود كارەبایان بەردەوامە و موەلیدەكان كارناكەن، سەبارەت بەنرخی كیلۆواتی ستییەكانیش كە كارەبای نیشتمانیان نییە و تەنیا كارەبای موەلیدەیان هەیە نرخی كیلۆواتیان (293) دینارە".

ب ح