مەودا میدیا-

وتەبێژی یەكێتیی نیشتمانیی کوردستان ئاشکرایکرد تەنها پۆستێک نەبووەتە گرێکوێرەی پێکهێنانی حکومەت، یەکێتی دەیەوێت هاوبەشی راستەقینەی حکومڕانی هەرێمی کوردستان بێت.

كاروان گەزنەیی، وتەبێژی یەكێتی رایگەیاند "یاداشتێکیان بۆ گفتوگۆ و رێککەوتن پێشکەش بە پارتی کردووە و پاشەکشە لە هیچ خاڵێکی یاداشتەکە ناکەن".

ئاماژەی بۆ ئەوەشکرد "ئەو پۆستانەی کە بە مافی خۆیانی دەزانن وەک بەرکەوتەی هەڵبژاردن، مافی یەکێتیی نیشتمانیی کوردستانن و تەنازوولی لێناکەن".

ئەوەشی خستەڕوو "لەئێستادا یەکێتی و پارتی لەبەردەم بەرپرسیارێتییەکی گەورە و پێکهێنانی دوو حکومەتدان، تاوەکو ماف و شایستە داراییەکانی خەڵکی کوردستان بەدەستبهێنن و پێویستیان بە یەکهەڵوێست و یەکڕیزیی هەیە".

ب ح