مەودا میدیا-

ئەمڕۆ یەكشەممە 2025/5/11، بەرێوەبەری خزمەتگوزاری و ژینگەپارێزیی هەولێر، بڵاویکردەوە داوا لەو کەسانە دەکەن کە خاوەن ماتۆڕسكیلی سێ تایە یان ئۆتۆمبێلن و خوازیارن لە هەڵمەتی گرتنی سەگدا بەشداربن، سەردانیان بكەن بۆ ئەوەی گرێبەستی بۆ بكەن.

ژیار جەلال، بەرێوەبەری خزمەتگوزاری و ژینگەپارێزیی هەولێر رایگەیاند "ئەو كەسانەی بەشداری لە هەڵمەتەكەدا دەكەن، كۆتایی هەفتە چەند سەگیان گەیاندبێتە شێڵتەری هەولێر بۆ هەر سەگێک سێ هەزار دیناری پێدەدرێت".

ئاماژەی بۆ ئەوەشکردووە "ئەوانەی دەیانەوێت لە هەڵمەتەكەدا بەشداربن پێویستە بارهەڵگرەكەیان بكەنە قەفەس بۆ گرتنی سەگەكان بەوشێوەیە نەبێت گرێبەستیان بۆ ناكرێت".

ب ح