مەودا میدیا-

ئەمڕۆ دوو شەممە 2025/5/12، سەرۆكی هەرێمی كوردستان لەبارەی بڕیارەکەی پارتی كرێكارانی كوردستان (پەكەكە) بۆ هەڵوەشاندنەوەی خۆی راگەیەندراوێكی بڵاوكردەوە.

نێچیرڤان بارزانی، سەرۆكی هەرێمی كوردستان رایگەیاند "پێشوازی لە بڕیارەكەی پەكەكە و  بە دەمەوەچوونی بانگه‌وازیی به‌ڕێز ئۆجەلان دەكەن ئەم بڕیارە بە هەنگاوێكی چارەنووسساز دەزانن، کە لاپەڕەیەکی نوێ لە ناوچەکەدا دەکاتەوە".

ئاماژەی بۆ ئەوەشکرد "كاتى ئه‌وه‌يه‌ و هه‌مووان چاويان له‌وه‌يه‌ ئەم هەنگاوە گرنگه‌ بە هەنگاوی تری ئەرێنی و پێويست لەلایەن هەموو لایەنە پەیوەندیدارەکانەوە وەڵام بدرێتەوە، ئه‌مه‌ زەمینەیەکی درووست و گونجاو ده‌هێنێته‌ ئاراوه‌ و ده‌بێته‌ بنەمای ئاشتییەکی هەمیشەیی و گشتگیر، ناوچەکە بەرەو ئاسۆی نوێی پێشکەوتن دەبات".

ئەوەشی خستەڕوو "هیوادارن ئەم دەستپێشخەرییە ببێتە خاڵی وەرچەرخانێکی یەکلاکەرەوە، هه‌روه‌ها ئامادەیيی تەواوی خۆیان دەردەبڕین بۆ به‌رده‌وامی له‌ پێشکەشکردنی هه‌ر جۆرە يارمه‌تى و هاوكارييه‌ك بۆ سەرکەوتنی ئەم دەرفەتە مێژوویيیە".

ب ح