مەودا میدیا-

جێگری سەرۆكی هەرێمی كوردستان، بۆ هەشتەمین ساڵیادی كۆچی دوایی نەوشیروان مستەفا، رێکخەری گشتیی بزووتنەوەی گۆڕان پەیامێكی بڵاوكردەوە.

جەعفەر شێخ مستەفا، جێگری سەرۆكی هەرێمی كوردستان رایگەیاند " لە 19ی ئایاری ساڵی 2017دا كەسایەتییەكی دیار و كاریگەری نێو گۆڕەپانی سیاسەت و ماندوو لە خەبات و تێكۆشان بۆ دۆزی رەوای كوردستانیان لە دەستدا. بەڵام بۆ هەمیشە نەوشیروان مستەفا لە هزریاندا بە نەمری دەمێنێتەوە".

ئاماژەی بۆ ئەوەشکرد "كاك نەوشیروان، سەركردەیەكی سیاسیی دووربین و ووردبین بوو بۆ شیكردنەوەی بابەتە هەستیارەكانی پەیوەست بە بنەماكانی پڕۆسەی حوكمڕانی لە ناوچەكەدا".

ئەوەشی خستەڕوو "كاك نەوشیروان لەپاڵ ئەركە سیاسییەكەیدا نووسەرێكی بە توانا و جوان دیدەش بوو لە نیشاندانی جوگرافیا و سروشتی جوانی كوردستان، نووسین و بەرهەمەكانی زادەی بیر و خەون و ئەندێشەكانی بوون".

ب ح