مه‌ودا میدیا-

پارێزگارى سلێمانى  رایگه‌یاند، كێشه‌ى ئاو گونده‌كانى هه‌رێمى كوردستانى گرتووه‌ته‌وه‌ و پێویسته‌ ئێران ئاو بۆ هه‌رێم به‌ربداته‌وه‌.

هه‌ڤاڵ ئه‌بوبه‌كر، پارێزگارى سلێمانى لە شاری سنەی رۆژهەڵاتی کوردستان رایگه‌یاند "پارێزگای سلێمانی دەرفەتی لە هەموو پارێزگاکانی عیراق و هەرێمی کوردستان باشترە له‌ رووى ئاوه‌وه‌، بەڵام ئەگەر باش ئیدارەی نەدەین و ئەو رووبارو زێیانەی لە ئێرانەوە دەڕژێنە ناو هەرێم و ناوچەکەی ئێمە و ئەو بەنداوانەی لەسەریان دروست کراون، هاوسەنگییەکی تێدا دروست نەبێت، چ سامانی ئاو، چ ئاوی ژێرزەوی و چ کشتوکاڵ ، چ ئاژەڵ و سامانی ماسی و چ گەشتیاری هەموویان شکست دێنن و ژیان لەو ناوچانەدا نامێنێت، گوندەکان چۆڵ دەبن و ئاوەدانیەکان کوێر دەبنەوە".

وتیشى "ئێمە لە راوێژی بەردەوامداین لەگەڵ لایەنی ئێران بۆ ئەوەی بتوانین بە هەماهەنگی سیاسەتی ئاو و قەبارەی بەردانەوەی ئاوەکان چارەسەر بکەین".

شایه‌نى باسه‌، ساڵانه‌ چه‌ندینجار ئێران له‌ وه‌رزى هاوین ئاوى زێى بچوك ده‌گرێته‌وه‌و به‌هۆیه‌وه‌ گرفت بۆ ناوچه‌ى راپه‌ڕین به‌تایبه‌ت قه‌ڵادزێ دروستده‌كات.

ع