مەودا میدیا-

ئەمڕۆ 2025/5/28، نوسینگەی نەهێشتنی تاوان لە گەڕەکێکی شارۆچکەی دەربەندیخان لە هەڵمەتێکدا دەستیانگرت بەسەر کۆمەڵێک چەک و تەقەمەنی بێ مۆڵەتداو سێ تۆمەتباریش دەستگیرکران.

بەڕێوەبەرایەتی پۆلیسی سلێمانی رایگەیاند " تیمێکی پسپۆری بەشی پۆلیسی لێکۆڵینەوەی بەڵگەکانی تاوان و تیمێکی پۆلیسی نەهێشتنی تاوان ئامادەی شانۆی تاوان بوون و بەئامادەبوونی دادوەری لێکۆڵینەوەی دەربەندیخان و لێکۆڵەرانی دادی و لێکۆڵەرانی پۆلیس سەرپەرشتی رێکارەکانی لێکۆڵینەوەی سەرەتاییان کردووە".

ئاماژەی بۆ ئەوەشکرد "به‌پێویستی ده‌زانن هاوڵاتیان و دانیشتوانی پارێزگای سلێمانی دڵنیابكه‌نه‌وه‌، ئه‌فسه‌رو كارمه‌ندانی به‌ڕێوه‌به‌رایه‌تیان پارێزه‌ری سه‌رو سامانیانن و به‌رده‌وام و ماندونه‌ناسانه‌ ئه‌رك و فه‌رمانه‌كانیان به‌ له‌خۆبورده‌ییه‌وه‌ جێبه‌جێ ده‌كه‌ن".

ئەوەشی خستەروو "ئاگاداری هاوڵاتییان ده‌كه‌نه‌وه‌ ته‌نها ئه‌و زانیارانه‌ دروست و پشتڕاستكراوه‌ن كه‌ له‌ به‌شی ڕاگه‌یاندنی به‌ڕێوه‌به‌رایه‌تییانه‌وه‌ یان له‌سه‌ر زاری وته‌بێژی فه‌رمییانه‌وه‌ بڵاوده‌كرێنه‌وه‌".

ب ح