مەودا میدیا-

بەڕێوەبەرایەتی گشتیی کەشناسی و بوومەلەرزەزانی هەرێم کەشى پێشبینیکراوى بۆ 48 کاتژمێرى داهاتوو بڵاوکردەوە.

كەشناسیی هەرێم رایگەیاند " ئەمڕۆ ئاسمان ساماڵ و پەڵە هەور دەبێت، لە دواى نیوەرۆ و ئێوارە لە ئەنجامى زیادبوونى خێراىی با ئەگەرى بەرزبوونەوەى تۆز و خۆڵ هەیە و کاریگەرى ئەو تۆز و خۆڵە لە سەر هەندێ ناوچەى دەشتاىی و ناوچەکراوەکان بەرووى خێراىی با زیاتر دەبێت".

ئاماژەی بۆ ئەوەشکرد "سبەینێ ئاسمان ساماڵ و پەڵە هەور دەبێت و پلەکانی گەرما بە (1 بۆ 2)  پلەی سیلیزی نزم دەبێتەوە، بەراورد بە تۆمارکراوەکانی ئەمرۆ".

کەشناسیی، بەرزترین پلەکانی گەرمای پێشبینیکراوی بەمشێوەیە لەنێوان شار و ناوچەکاندا خستووەتەڕوو:

هەولێر   :  36  پلەی سیلیزی
سلێمانی  : 35 پلەی سیلیزی
کەرکوک : 38 پلەی سیلیزی
دهۆک    :  34  پلەی سیلیزی
هەڵەبجە :35 پلەی سیلیزی
سۆران   :  34 پلەی سیلیزی 
زاخۆ     :  36 پلەی سیلیزی
حاجی ئۆمەران : 24 پلەی سیلیزی

ب ح