مەودا میدیا-

قائیمقامی سلێمانی سەبارەت بە پلانەکانیان بۆ رۆژانی جەژنی قووربان و خۆپارێزی لە تای خوێنبەربوون  پەیامێکی بڵاوکردەوەو داوای لە هاوڵاتییانیش کرد لە رۆژانی جەژندا هاوکاری تیمەکانیان بکەن بۆئەوەی لە نەخۆشییەکە بە دووربن و پارێزراوبن.

ئاوات محەمەد، قائیمقامی سلێمانی رایگەیاند "بە هەوڵی تیمەکانی فەرمانگە خزمەتگوزارییەکان و لیژنە هاوبەشەکان، بەڕێوەبەرایەتییەکانی تەندروستی و ڤێتێرنەری، شاره‌وانی و هێزه‌ ئه‌منییه‌كان، تاوەکو ئێستا تای خوێنبه‌ربوون لە پارێزگای سلێمانی تۆمارنەکراوە".

ئاماژەی بۆ ئەوەشکرد "ئەو هاوڵاتییانەی، کە قوربانی دەکەن، پێویستە لە مەیدانی ئاژەڵان، ئاژەڵەکانیان بکڕن و لە کوشتارگە سەریبڕن، بۆ ئەو مەبەستەش لە رۆژانی جەژنی قورباندا کوشتارگەكان کراوە دەبن".

ب ح