ەودا میدیا-

بەڕێوەبەرایەتی گشتیی نەهێشتنی ماددە هۆشبەرەکانی دەزگای ئاسایشی هەرێم، دەستی بەسەر بڕی دوو کیلۆگرام ماددەی هۆشبەر لەجۆری (کریستاڵ)دا گرت.

دەزگای ئاسایشی هەرێم رایگەیاند  "رۆژی 2025/6/3، لەسنووری سلێمانی، بەڕێوەبەرایەتی گشتیی نەهێشتنی ماددە هۆشبەرەکان، دوای کۆکردنەوەی زانیاریی و بەدواداچوون، بەفەرمانی دادوەری لێکۆڵینەوەی ئاسایش، لەچالاکییەدا توانرا ( دوو )بازرگانی ماددەی هۆشبەر دەستگیر بکەن".

ئاماژەی بۆ ئەوەشکردووە "دەستیشیان بەسەر دوو کیلۆگرام ماددەی هۆشبەر لە جۆری (کریستاڵ) لەگەڵ چەکێکی بێمۆڵەت و دوو ئۆتۆمبێل کە بەکارهاتبوون بۆ گواستنەوەی ماددەکەدا گرتووە".

ئەوەشی خستەڕوو "لەئێستادا بازرگانان بەبڕیاری دادوەر بەماددەی (25) لە یاسای بەرەنگاربوونەوەی ماددە هۆشبەرەکان و کارتێکارە ئەقڵییەکان راگیراون و لێکۆڵینەوە لە دۆسیەکانیان بەردەوامە".

ب  ح