مەودا میدیا-

سەرۆکایەتی پەرلەمانی عیراق نیگەرانە لە بڕیاری راگرتنی مووچەی فەرمانبەرانی هەرێمی کوردستان لەلایەن وەزارەتی دارایی فیدراڵەوە و داوا لە حکومەتی عیراق دەکات لە بڕیارەکەی پاشگەزببێتەوە.

سەرۆکایەتى پەرلەمانى عیراق ڕایگەیاند "راگرتنی مووچەی فەرمانبەرانی هەرێم زیان به‌ هاوڵاتییانی‌ هه‌رێم ده‌گه‌یه‌نێت و قه‌یرانی ئابوری‌ دەخولقێنێت، پێچه‌وانه‌ی‌ بڕیاره‌كانی‌ دادگای‌ فیدراڵی و ده‌ستووری عیراقە".

ئاماژەی بۆ ئەوەشکرد " نابێت قووتی گەل و شایستەکانیان پەیوەستی پرسە سیاسی و هونەرییەکان بکرێت و دانیشتن لەسەر مێزی گفتوگۆ و لێکتێگەیشتن بە باشترین رێگە بۆ چارەسەرکردنی کێشەکانی نێوان بەغدا و هەولێر دەزانن".

ب ح