مەودا میدیا-

فەرماندەی گشتیی هێزەکانی سوریای دیموکرات سەبارەت بە پێکهێنانی وەفدی یەکگرتووی کورد لە رۆژئاوای کوردستان بۆ گفتوگۆ لەگەڵ دەسەڵاتی راگوزەری سوریا پەیامێکی بڵاوکردەوە.

مەزڵوم عەبدی، فەرمانی گشتیی هەسەدە رایگەیاند "پێكهێنانی وەفدی كوردی له چوارچێوەی جێبەجێكردنی رێككەوتنی 10ی ئازار دێت، كه جەخت لەسەر دەستووری مافەكانی گەلی كورد له سوریایەكی یەكپارچە کرایەوە".

ئاماژەی بۆ ئەوەشکرد "پێیانوایە داننان بە مافی پێکهاتەکان بنەمای بنیاتنانی سوریایەکی دیموکرات و دادپەروەرانەیە کە هەمووان تێیدا بەشداربن".

ئەوەشی خستەڕوو "وەفدەکە، وەفد نوێنەرایەتی باکوور و رۆژهەڵاتی سوریا و وەفدی یەکڕیزیی کوردە و جەخت لە پابەندبوونیان بە دیالۆگی نیشتمانیی دەکەنەوە وەک بژاردەیەکی ستراتیژیی بۆ بەدیهێنانی دادپەروەری و یەکسانی".

ب ح