کوردستانی
پارێزگاری سلێمانی پەیامێکی بڵاوکردەوە
مەودا میدیا - سلێمانی |
مەودا میدیا-
پارێزگاری سلێمانی پەیامێکی لە هەژماری خۆی لە تۆڕی کۆمەڵایەتی فەیسبوک بڵاوکردەوەو رایگەیاند "لەنێوان هەرێمی کوردستان و عیراقی فیدراڵدا یەکتربەجێهێشتن و دابڕان و جیابوونەوە نییە، لە یەکترگەیشتن و پێکەوەکارکردن و یەکتر تەواوکردن و پشتبەیەکبەستن هەیە، ئەویش نابێت هەتا هاوڵاتیبوون و دەستوور و سەروەریی و دەوڵەتداری و ئاسایش و ئابووری دەوڵەتیی و یاسا سەروەر نەبێت، تا ئەمڕۆ لەهەردوولا دەسەڵات حوکم دەکات نەک دەوڵەت".
هه‌ڤاڵ ئه‌بوبه‌كر، پارێزگاری سلێمانی ئاماژەی بۆ ئەوەشکرد "ئەوەی هێزو داهاتی پێیە بە قەد قەبارەکەی کە پێیەتی و هەیەتی، حوکم دەکات، لەگەڵیدا دامەزراوەی حکومڕانیی، ئەمن و عەسکەر، مەعلومات و دبلۆماسییەت، پەیوەندییەکان و وزە، ئاو و فڕۆکەخانەو، دەروازە و بانک، بازاڕ و زانکۆ، دامەزراوە ئاینییەکان و زۆرێک لە حزبەکان و کایەی گشتیی و ماڵیی گشتیشیان؛ کۆنترۆڵ و قۆرخکردووە، لە کوردستان جگە لەمانە؛ خاکیشیان بەدەستەوەیە، هەموویان بەسەر دوو بەرەی دژبەری ناوخۆیی و ناوچەیی و نێودەوڵەتیدا دابەشبوون".
ئەوەشی خستەڕوو "هەڵبژاردن تەنها بۆ رەوایەتی بەخۆدانە و هیچ لایەک کەمەکەی خۆی نادات بە زۆرەکەی هەمووان و ئەوانەی سەرەوە رادەستی دامەزراوەی دەوڵەت ناکات، بەدیلی راستەقینە تەنها تێپەڕاندنی دەوڵەت حزب و حزبڕانیی و حزبسالارییە، بنیاتنانی حکومڕانیی و حکومەتێکی بەهێزی دادگەرە کە باوەڕی بە (بیرو بڕوا و رەفتارو گوفتارو کردەوە) بە دەستوورو هاوڵاتیبوون و دەوڵەتداری و سەروەریی و سەربەخۆیی یاسا هەبێت، پارێزەری ماڵ و میرات و سامان و داهاتی گشتیی بێت، سوپایەکی نیشتمانیی لەسەر بنەمای ئەرک و بەرپرسیارێتیی و بە پەیڕەوی زۆربگیریی (تەجنیدی ئیلزامیی)، هەبێت، پشت بە وزەو کانزاو سامان و کارو بەرهەم و سەرمایەی مرۆیی و ماڵیی و دارایی خۆی ببەستێت و رێ لە بردنەدەرەوەی دراوی قورس و سپیکردنەوەی پارە بگرێت".
باسی لەوەشکردووە "لە هەموو کۆبوونەوەو کۆنگرەکانی دە ساڵی رابردووی کوردستان و دەرەوەدا جەختیان لەسەر ئەم راستییە نەخوازراوە کردووەتەوە، ئێستا کوردانی باکوور و رۆژئاواو رۆژهەڵات و رەوەندی کوردی باشتر لە باشوور بەتایبەتی لە حزب و دەستەبژێرەکانی باشوور، لە ناوەڕۆکی لۆزان و بەردەوامی دۆخەکە و هەژموونە نێودەوڵەتییەکان و واقیع و لۆژیک و هاوکێشەو هاوسەنگییەکان تێدەگەن".
وتیشی "ئیتر تێبگەن، پێبگەن، رێبکەن، دروشمبازی بێ ناوەڕک و نامومکین، دابەشبوون و لەتبوون و ناکۆکیی و فرەبەرەکیی و وردوخاشبوونی ناوخۆو خۆتان، سەرمان بەتوونی بابادا دەبات".
ب ح
پارێزگاری سلێمانی پەیامێکی لە هەژماری خۆی لە تۆڕی کۆمەڵایەتی فەیسبوک بڵاوکردەوەو رایگەیاند "لەنێوان هەرێمی کوردستان و عیراقی فیدراڵدا یەکتربەجێهێشتن و دابڕان و جیابوونەوە نییە، لە یەکترگەیشتن و پێکەوەکارکردن و یەکتر تەواوکردن و پشتبەیەکبەستن هەیە، ئەویش نابێت هەتا هاوڵاتیبوون و دەستوور و سەروەریی و دەوڵەتداری و ئاسایش و ئابووری دەوڵەتیی و یاسا سەروەر نەبێت، تا ئەمڕۆ لەهەردوولا دەسەڵات حوکم دەکات نەک دەوڵەت".
هه‌ڤاڵ ئه‌بوبه‌كر، پارێزگاری سلێمانی ئاماژەی بۆ ئەوەشکرد "ئەوەی هێزو داهاتی پێیە بە قەد قەبارەکەی کە پێیەتی و هەیەتی، حوکم دەکات، لەگەڵیدا دامەزراوەی حکومڕانیی، ئەمن و عەسکەر، مەعلومات و دبلۆماسییەت، پەیوەندییەکان و وزە، ئاو و فڕۆکەخانەو، دەروازە و بانک، بازاڕ و زانکۆ، دامەزراوە ئاینییەکان و زۆرێک لە حزبەکان و کایەی گشتیی و ماڵیی گشتیشیان؛ کۆنترۆڵ و قۆرخکردووە، لە کوردستان جگە لەمانە؛ خاکیشیان بەدەستەوەیە، هەموویان بەسەر دوو بەرەی دژبەری ناوخۆیی و ناوچەیی و نێودەوڵەتیدا دابەشبوون".
ئەوەشی خستەڕوو "هەڵبژاردن تەنها بۆ رەوایەتی بەخۆدانە و هیچ لایەک کەمەکەی خۆی نادات بە زۆرەکەی هەمووان و ئەوانەی سەرەوە رادەستی دامەزراوەی دەوڵەت ناکات، بەدیلی راستەقینە تەنها تێپەڕاندنی دەوڵەت حزب و حزبڕانیی و حزبسالارییە، بنیاتنانی حکومڕانیی و حکومەتێکی بەهێزی دادگەرە کە باوەڕی بە (بیرو بڕوا و رەفتارو گوفتارو کردەوە) بە دەستوورو هاوڵاتیبوون و دەوڵەتداری و سەروەریی و سەربەخۆیی یاسا هەبێت، پارێزەری ماڵ و میرات و سامان و داهاتی گشتیی بێت، سوپایەکی نیشتمانیی لەسەر بنەمای ئەرک و بەرپرسیارێتیی و بە پەیڕەوی زۆربگیریی (تەجنیدی ئیلزامیی)، هەبێت، پشت بە وزەو کانزاو سامان و کارو بەرهەم و سەرمایەی مرۆیی و ماڵیی و دارایی خۆی ببەستێت و رێ لە بردنەدەرەوەی دراوی قورس و سپیکردنەوەی پارە بگرێت".
باسی لەوەشکردووە "لە هەموو کۆبوونەوەو کۆنگرەکانی دە ساڵی رابردووی کوردستان و دەرەوەدا جەختیان لەسەر ئەم راستییە نەخوازراوە کردووەتەوە، ئێستا کوردانی باکوور و رۆژئاواو رۆژهەڵات و رەوەندی کوردی باشتر لە باشوور بەتایبەتی لە حزب و دەستەبژێرەکانی باشوور، لە ناوەڕۆکی لۆزان و بەردەوامی دۆخەکە و هەژموونە نێودەوڵەتییەکان و واقیع و لۆژیک و هاوکێشەو هاوسەنگییەکان تێدەگەن".
وتیشی "ئیتر تێبگەن، پێبگەن، رێبکەن، دروشمبازی بێ ناوەڕک و نامومکین، دابەشبوون و لەتبوون و ناکۆکیی و فرەبەرەکیی و وردوخاشبوونی ناوخۆو خۆتان، سەرمان بەتوونی بابادا دەبات".
ب ح
بیروڕا
