مەودا میدیا-

بەڕێوەبەرایەتی گشتیی ئاسایشی پارێزگای سلێمانی بڵاویکردەوە کە هێزەکانیان تۆمەتباری رووداوەکەی چوارەم شەوی جەژنییان لە سلێامانی دەستگیرکردووە.

بەڕێوەبەرایەتی گشتیی ئاسایشی پارێزگای سلێمانی رایگەیاند "دوای ئەوەی شەوی 2025/6/9، لەشەقامی بەختیاری شاری سلێمانی، بەهۆکاری پێکدادانی دوو ئۆتۆمبێل گرژی و ئاڵۆزی لەنێوانیان دروست بووەو تۆمەتباری رووداوەکە بووەتەهۆکاری هەڕەشە و مەترسی بۆ سەر خێزانێک".

ئاماژەی بۆ ئەوەشکرد "لەسەر ئەم ڕووداوە، بەڕێوەبەرایەتی ئاسایشی پارێزگای سلێمانی بەبڕیاری دادوەر، بەدواداچوون و لێکۆڵینەوەی ئەنجامدا و تۆمەتباری رووداوەکەیان بەناوی (ش،ر،ف) دەستگیرکرد".

ئەوەشی خستەڕوو " لەئێستادا تۆمەتبارەکە  بە ماددەی( 434) لە یاسای سزادان راگیراوە و لێکۆڵینەوە لە دۆسیەکەی بەردەوامە".

ب ح