مەودا میدیا-

ئەندامێکی پەرلەمانی کوردستان ئاشکرایکرد بڕی یەک ملیار دۆلاری قەرزی کۆمپانیاکانی بواری نەوت کە لە هەرێمی کوردستان کاردەکەن یەکێکە لە کێشەکانی نێوان هەولێر و بەغدا.

عومەر گوڵپی، ئەندامی پەرلەمانی کوردستان بە مەودا میدیای راگەیاند "حکومەتی هەرێم لە دوو ساڵی رابردوودا نەوتی فرۆشتووە، لە کاتێکدا داهاتەکەی بۆ خەڵک نەبووە، نەشدراوەتە بەغدا".

ئاماژەی بۆ ئەوەشکرد "لە ماوەی ئەو دوو ساڵەدا کرێی بەرهەمهێنانی نەوت نەدراوەتە کۆمپانیاکان و لەئێستادا کۆمپانیاکان داوای پارەکەیان دەکەن کە بڕی یەک ملیار دۆلارە و دەڵێن کێ دەمانداتەوە؟ ئەمە جگە لە نۆ ملیار دۆلاری قەرزی پێشووتری کۆمپانیاکان".

ب ح