مه‌ودا میدیا-

بەڕێوەبەرایەتیی گشتیی ئۆپراسیۆنەکانی ئاسایش بەهەماهەنگی بەڕێوەبەرایەتیی ئاسایشی بازگەکان، لەبازگەی دەربەندیخان دوو تۆمەتباری هەڵهاتوو لەیاسایان دەستگیرکرد.

له‌ راگه‌یه‌ندراوێكى ئاسایشى هه‌رێم هاتووه‌ "رۆژی 21ى حوزه‌یران، بەهۆی دروستبوونی گرژی و ئاڵۆزی شەڕ لەنێوان سێ هاوڵاتیی لەقەزای خانەقین روودەدات و کەسێک بەچەقۆ لەلایەن دوو تۆمەتبارەوە دەکوژرێت و دەستبەجێ شوێنی رووداوەکە بەجێدەهێڵن و هەڵدێن".

هه‌روه‌ها "بەڕێوەبەرایەتیی گشتیی ئۆپراسیۆنەکانی ئاسایش دوای بەدواداچوون و ئەنجامدانی لێکۆڵینەوە، بەبڕیاری دادوەری لێکۆڵینەوەی ئاسایش توانیان لەبازگەی دەربەندیخان هەردوو تۆمەتباری رووداوەکەی قەزای خانەقین دەستگیربکەن".

لەئێستادا تۆمەتباران بەماددەی ( 406 )لەیاسای سزادان راگیراون و لێکۆڵینەوە لە دۆسیەکانیان بەردەوامە.

ع