مه‌ودا میدیا-

به‌ڕێوه‌به‌رى گشتیی ئاو و ئاوه‌ڕۆى هه‌رێمى كوردستان رایگه‌یاند، پاره‌ى بۆ پرۆژه‌ى ئاوى گۆپته‌په‌ خه‌رجكراوه‌ و كارى تێدا ده‌كرێت.

ئارى ئه‌حمه‌د، به‌ڕێوه‌به‌رى گشتیی ئاو و ئاوه‌ڕۆى هه‌رێم به‌ مه‌ودا میدیاى راگه‌یاند "پرۆژه‌ى ئاوى گۆپته‌په‌ - چه‌مچه‌ماڵ له‌ ماوه‌ى رابردوو كاره‌كانى راگیرا به‌هۆى ئه‌وه‌ى پاره‌ بۆ كۆمپانیاكه‌ خه‌رجنه‌كرابوو".

وتیشى "بڕیارى خه‌رجكردنى بڕى هه‌شت ملیار دینارى هه‌بوو، دواتر پاره‌ بۆ كۆمپانیاكه‌ خه‌رجكراو و كاركردن له‌ پرۆژه‌كه‌ ده‌ستیپێكرده‌وه‌ و له‌ ئێستادا كاركردن به‌رده‌وامه‌ تیایدا".

ئه‌وه‌شى خسته‌ڕوو "پرۆژه‌كه‌ چاره‌سه‌رى كێشه‌ى ئاوى خواردنه‌وه‌ى چه‌مچه‌ماڵ ده‌كات و كۆى پرۆژه‌كه‌ سه‌رو 78 ملیۆن دۆلاری تێده‌چێت".

ع