مه‌ودا میدیا-

به‌ڕێوه‌به‌رى خۆراكى پارێزگاى سلێمانى رایگه‌یاند، 

كامه‌ران فه‌تاح، به‌ڕێوه‌به‌رى گشتیی خۆراكى پارێزگاى سلێمانى به‌ مه‌ودا میدیاى راگه‌یاند "ئه‌مساڵ له‌ هه‌موو عیراق كێشه‌ى رۆن هه‌بووه‌ له‌ به‌شه‌خۆراك، به‌هۆیه‌وه‌ له‌و چوار به‌شه‌خۆراكه‌ى دابه‌شكراوه‌، یه‌ك به‌شه‌ رۆنى تێدا بووه‌".

وتیشى "ئه‌و گرفته‌ ته‌نها بۆ پارێزگاى سلێمانى نییه‌ و بۆ هه‌موو عیراق به‌و جۆره‌ بووه‌، ئه‌و رۆنه‌ى به‌ده‌ستمان گه‌یشتووه‌ دابه‌شمانكردووه‌ به‌سه‌ر خه‌ڵك".

ئه‌وه‌شى خسته‌ڕوو "دابه‌شكردنى به‌شى یه‌كه‌مى رۆن له‌ كۆتاییدایه‌، رۆنى دووه‌مان به‌ده‌ست گه‌یشتووه‌ و ده‌ست به‌دابه‌شكردنى ده‌كه‌ین له‌دواى ته‌واوبوونى به‌شى یه‌كه‌م، چونكه‌ نزیكه‌ى 60 بریكار ماون رۆنى مانگى یه‌ك وه‌ربگرن".

ع