مەودا میدیا-

بەڕێوەبەرایەتی گشتیی كارەبای سلێمانی ئاشکرایکرد نرخی ئەمپێری کارەبای موه‌لیده‌ ئه‌هلییه‌كان به‌پێی نرخی سووته‌مه‌نی له‌ بازاڕه‌كاندا بۆ یه‌ک ئه‌مپێر (40) دینار دیاریکراوە.

بەڕێوەبەرایەتی گشتیی كارەبای سلێمانی رایگەیاند "نرخی یه‌ك ئه‌مپێر كاره‌بای موه‌لیده‌ی ئه‌هلی گه‌ڕه‌كه‌كان له‌ ناوشاری سلێمانی بۆ مانگی تەمووز له‌نێوان (14 هەزار) بۆ (15 هەزار) دیناره‌، بەو پێیەى موەلیدەکان لە نێوان (340 بۆ 375) کاتژمێر کاریانکردووە".

ئاماژەی بۆ ئەوەشکرد "ئەو موەلیدانەی كە دەكەونە سنوری پرۆژەی رووناكی و كۆتایی مانگی رابردوو بوون بە بیست و چوار كاتژمێری پێویستە پارەی موەلیدەكانیان پاكتاو بكەن، چونكە چیتر موەلیدەكانیان كار ناكەن".

ئەوەشی خستەڕوو "خشته‌ی كارپێكردنی موه‌لیده‌ش بۆ مانگى ئاب (8)یش بیست و چوار كاتژمێری دەبێت، هەر كاتێك كارەبای نیشتمانی كوژایەوە ئەوان كار دەكەن".

ب ح