مه‌ودا میدیا-

قائیمقامى قه‌زاى هه‌ڵه‌بجه‌ رایگه‌یاند، ئه‌مساڵ ڤیستیڤاڵێكى جیاوازى له‌ ساڵانى رابردوو بۆ هه‌نار له‌ هه‌ڵه‌بجه‌ به‌ڕێوه‌ده‌چێت.

نوخشە ناسیح، قائیمقامی هەڵەبجە رایگه‌یاند "سەرپەرشتیی كۆبوونەوەی لیژنەی باڵای فێستیڤاڵی هەنار و پایزی هەڵەبجەمان كرد، لەبارەی ئامادەكارییەكان بۆ بەڕێوەچوونی 11هەمین فێستیڤاڵی هەنار و پایزی هەڵەبجە".

باسى له‌وه‌شكردووه‌ "لەم كۆبوونەوەیەدا كە تێیدا سەرجەم لایەنە پێوەندیدارەكان ئامادەی بوون، گفتوگۆیەكی چڕوپڕ لەبارەی ئامادەكارییەكان و گرتنەبەری رێوشوێنی پێویست بۆ بەڕێوەچوونی فێستیڤاڵەكە كرا".

هه‌روه‌ها "پێویستە هەڵەبجە فێستیڤاڵی ئەمساڵی جیاواز بێت لە ساڵانی رابردوو، بە جۆرێك ببێتە مایەی رەزامەندیی ژمارەیەكی زۆری گەشتیاران و سەردانیكەرانی فێستیڤاڵەكە‌‌ و چارەسەركردنی سەرجەم كەموكورتییەكانی ساڵانی پێشوو".

ع