مەودا میدیا-

وەزارەتی ناوخۆی هەرێم ئاشکرایکرد ماوەیەکە دەنگۆی ناڕاست بڵاودەکرێتەوە کە حکومەتی فیدراڵ/وەزارەتی کۆچ و کۆچبەران  قەرەبووی ئەو هاوڵاتییانە دەکاتەوە کە بە هۆی سیاسەتەکانی رژێمی بەعس بە تایبەت لە دوای رێککەوتنامەی جەزائیر لە ساڵی 1974 ئاوارەی وڵاتانی ئێران و تورکیا و سوریا بوون و دوای ڕاپەڕینی 1991 گەڕاونەتەوە هەرێمی کوردستان. 

وەزارەتی ناوخۆی هەرێم رایگەیاند " هیچ وەڵامێکی فەرمی لەلایەن حکومەتی فیدڕاڵی پێیان نەدراوە و کۆی ئەو هەواڵانەی لە ئێستادا بڵاودەکرێنەوە دوورن لە راستییەوە".

ئاماژەی بۆ ئەوەشکرد "هاوڵاتییان دەکەنەوە کە نەکەونە بەر لێشاوی پرووپاگەندەی هەڵبژاردن بۆ بەرژەوەندی چەند کەس و لایەنێک، بۆیە حکومەتی هەرێمی کوردستان بە ئەرک و بەرپرسیارەتی خۆی هەڵدەستێ و تا بەدەستهێنانی مافەکانیان".

ب ح