مەودا میدیا-

ئەنجومەنی باڵای فەتوا لە هەرێمی کوردستان کۆبووەوە و حکومی کڕین و فرۆشتنی بە کارتی دەنگدانی یەکلاییکردەوە و ئاشکرایکرد له‌رووی یاساییه‌وه‌ پێچه‌وانه‌ی یاسای هه‌ڵبژاردنه‌ و یاسا ئه‌و كاره‌ی به‌تاوان هه‌ژمار كردووه‌

ئەنجومەنی باڵای فەتوا رایگەیاند "پرۆسه‌ی هه‌ڵبژاردن بۆ پێشخستنی وڵات و گۆڕانكاریی و هێنانه‌دی دادپه‌روه‌ی و نه‌هێشتنی گه‌نده‌ڵییه‌، به‌ڵام فرۆشتنی كارتی ده‌نگدان ده‌بێته‌ مایه‌ی تێكدانی مه‌به‌سته‌ باڵاكانی ئه‌م پرۆسه‌یه‌".

ئاماژەی بۆ ئەوەشکرد "فرۆشتنی كارتی ده‌نگدان به‌ حه‌رام ده‌زاننن و ئه‌و پاره‌یه‌ش له‌و رێگه‌یه‌وه‌ به‌ده‌ست دێت حه‌رامه‌، بۆیه‌ پێویسته‌ به‌ هه‌موو شێوه‌یه‌ك موسڵمانان لێی دوور بكه‌ونه‌وه‌".

ئەوەشی خستەڕوو "ده‌نگدان ئه‌مانه‌تێكه‌ له‌ ئه‌ستۆی هاوڵاتییان و به‌زایه‌دانی ئه‌و ئه‌مانه‌ته‌و فرۆشتنی كارتی ده‌نگدان غه‌ش و خیانه‌ته‌ له‌ گه‌ل و وڵات و سامانی گشتیی".

باسی لەوەشکرد "خراپ به‌كارهێنانی مافێكی شه‌رعی و یاساییه‌ و هاوكاریكردنه‌ بۆ ته‌زویركردن و گه‌یشتنی كه‌سانی ناشایسته‌ و خراپ بۆ په‌رله‌مان و به‌ڕێوه‌بردنی وڵات".

ب ح