مەودا میدیا-

ئەمڕۆ چوارشەممە 2025/2/5، دادگای باڵای فیدراڵی  پشتڕاستیکردەوە کە هەموو ئەو بڕیارانەی کە لەلایەن دادگاکەوە دەردەچێت، بڕیاری کۆتایی و پابەندکەرن بۆ هەموو دەسەڵاتەکان.

دادگای فیدراڵی رایگەیاند "بەپێی بڕگەکانی ماددەی (94)ی دەستووری کۆماری عیراق بۆ ساڵی 2005، دیاریکردووە، بڕیارەکانی دادگای باڵای فیدراڵی یەکجارەکین و پابەندکەرن بۆ هەموو دەسەڵاتەکان".

ئاماژەی بۆ ئەوەشکردووە "دەستوور بەڵگەنامەی گەلە و بەهێزی بڕیارەکانی دادگا دەستوورییەکان لەسەر بنەمای ئەو بەڵگەنامەیە، کە هەموو کەسێک پابەند دەکات سەرپێچی نەکات".

ئەوەشی خستووەتەڕوو "ئەو ماددەیەی دەستوور، سەرجەم بڕیارەکانی لە تانەلێدان پاراستووە و هەموو لایەک پابەندکراون بە جێبەجێکردنی و پێشێلی نەکەن".

ئەمە لە کاتێکدایە،ئەنجومەنی باڵای دادوەریی عیراق رایگەیاندبوو کە بڕیاری دادگای فیدراڵی بۆ راگرتنی یاساکانی (باری کەسێتیی، لێبووردنی گشتیی، گەڕاندنەوەی زەوی و زارە داگیرکراوەکان بۆ خاوەنەکانیان) پێچەوانەی دەقی پەیڕەوی ناوخۆی دادگای فیدراڵییە".

ب ح