مه‌ودا میدیا-

وەزارەتی خەزێنەی ئەمەریکا، له‌ درێژه‌ى سزاكانى بۆ سه‌ر ئێران، سزاى به‌سه‌ر 12 كه‌س و رێكخراوى ئێران سه‌پاند.

وەزارەتی خەزێنەی ئەمه‌ریکا رایگه‌یاند "نووسینگەی کۆنترۆڵکردنی سەروەت و سامانی دەرەکیی وەزارەتی خەزێنەی ئەمه‌ریکا، شەش رێکخراو و شەش کەسی کە بنکەکانیان لە ئێران و چینە بە تۆمەتی بەشداریکردنیان لە تۆڕێکدا کە کەرەستەی پێویست بۆ مووشەکی بالیستیک بۆ ئێران دابین دەکات، سزا داوە".

باس له‌وه‌شكراوه‌ "ئەم تۆڕە سۆدیۆم پەرکلۆرات و دیۆکتیل سیباکاتی لە چین کڕیوە و رەوانەی ئێرانی کردووە".

سۆدیۆم پەرکلۆرات بۆ بەرهەمهێنانی پەرکلۆراتی ئەمۆنیۆم بەکاردێت، کە بە شێوەیەکی باو بۆ موشەکی بالیستی بەکاردەهێنرێن.

له‌ دوو هه‌فته‌ى رابردوو، وه‌زاره‌تى خه‌زێنه‌ى ئه‌مه‌ریكا چه‌ندین سزاى به‌سه‌ر رێكخراو بازرگان و دادوه‌رى ئێران سه‌پاندووه‌.

ع