مەودا میدیا-

ئەمڕۆ پێنجشەممە 2025/5/29، راوێژکاری ئابووری سەرۆک وەزیرانی عیراق سەبارەت بە پەیوەندییەکانی نێوان حكومەتی هەرێم و بەغدا پەیامێکی بڵاوکردەوە.

مەزهەر محەمەد ساڵح، راوێژکاری ئابووری سەرۆک وەزیرانی عیراق رایگەیاند "بەغدا  جدییە لەسەر جێبەجێکردنی یاسای بودجە لە بەرژەوەندیی هاوڵاتییانی هەرێمی کوردستان و سەقامگیریی ئابووری هەرێمیش لە بەرژەوەندیی عیراقە".

ئاماژەی بۆ ئەوەشکرد "تاوەکو ئەو کاتەی هەولێر و بەغدا پابەندبن بە جێبەجێکردنی یاسای بودجەوە هیچ کێشەیەکی دارایی لەنێوانیان روونادات و لە ئێستاشدا پەیوەندییەکانی نێوان هەولێر و بەغدا لە ئاستێکی باش و سەقامگیردایە".

ب ح