مه‌ودا میدیا-

سه‌رۆك كۆمارى ئێران له‌باره‌ى هه‌ڕه‌شه‌كانى دۆناڵد تره‌مپ، سه‌رۆكى ئه‌مه‌ریكا، وتى، ئێران به‌رده‌وام ده‌بێت له‌ پیتاندنى یۆرانیۆم.

مه‌سعود پزیشكیان، سه‌رۆك كۆمارى ئێران رایگه‌یاند "ئێمە پێشوازیمان لە دانوستان کردووە و دەیکەین، بەڵام رێسای گفتوگۆ و دانوستان سەپاندنی ملهۆڕی و زەختی لایەنێک بە سەر لایەنی بەرانبەردا نییە".

وتیشی "کۆماری ئیسلامی ئێران بەردەوام رایگەیاندووە کە بە هیچ چەشنێک بەدوای دروستكردنى چەکی ئەتۆمی نییە و بەردەوام بۆ سەلماندنی ئەم هەڵوێستەی ئامادەیی خۆی بۆ هەموو جۆرە هاوکارییەک راگەیاندووە".

ئه‌وه‌ش له‌كاتێكدایه‌ رۆژى رابردوو دۆناڵد تره‌مپ، سه‌رۆكى ئه‌مه‌ریكا رایگه‌یاند "به‌هیچ شێوه‌یه‌ك رێگه‌ناده‌م ئێران یۆرانیۆم بپیتێنێت".

ع