مه‌ودا میدیا-

وه‌زیرى به‌رگریی ئێران هه‌ڕه‌شه‌ له‌ ئه‌مه‌ریكا ده‌كات و ده‌ڵێت، هه‌ر هه‌ڵه‌یه‌ك بكات بنه‌كانى له‌ناوده‌به‌ین.

ئەمیر سەرتیپ عەزیز نەسیرزادە، وەزیری بەرگریی ئێران رایگه‌یاند "لە ئەگەری هەڵەی دوژمن و هەر جۆرە دەستدرێژییەک بۆ سەر ئێران، بێگومان لایەنی بەرانبەر قوربانیی زۆرتر لە ئێمە دەدات".

وتیشى "ئه‌مه‌ریكا هه‌ر هه‌ڵه‌یه‌ك بكات دەبێت ناوچەکە بەجێبهێڵێت، چونکە هەموو بنکەکانی لە ناوچەدا لە بندەستماندایە".

ئه‌وه‌شى خسته‌ڕوو "ئێران سەرکەوتنی باشى لە بواری ئۆپەراسیۆنیدا بە تایبەت لە تاقیكردنه‌وه‌ى مووشەکی دووسەر، هەر بۆیە نە ئێمە قبووڵی دەکەین و نە کەس بۆی هەیە لە دانوستانەکاندا بابەتی بەرگریی بوروژێنێت".

ع