مەودا میدیا-

فەرماندەی گشتیی هێزەکانی سوریای دیموکرات (هەسەدە) پەیامێکی بڵاوکردەوە و داوا یکرد دەستبەجێ کارە دوژمنکارانەکان رابگیرێن و رێڕەوێکی سەلامەت بۆ هاوڵاتییانی مەدەنی دەستەبەربکرێت.

مەزڵوم عەبدی، فەرماندەی گشتیی هێزەکانی سوریای دیموکرات (هەسەدە) رایگەیاند "کوشتنی ژن و منداڵ و دەستدرێژیکردنە سەر هێما ئاینیەکان تاوانی دژبە مرۆڤایەتی و بەهاکانی سوریان".

ئاماژەی بۆ ئەوەشکرد "پێویستە دەستبەجێ ئەم کارە شەڕانگێزانە بوەستێنرێت و لێپرسینەوە لەگەڵ بەرپرسان بکرێت، پرسی گەلی دروز پرسێکی نیشتمانییە و دەبێت لەچوارچێوەی دەستوور و دیالۆگ چارەسەر بکرێت".

ئەوەشی خستەڕوو "دوای 14 ساڵ شەڕ، کاتی ئەوە هاتووە خوێنڕشتن رابگیرێت، سوریا بە گفتوگۆ هەڵدەستێتەوە نەک تۆڵەسەندنەوەو نانەوەی ئاژاوەگێڕی".

ب ح