مەودا میدیا-

وەزیری دەرەوەی ئیسرائیل لە تۆڕی کۆمەڵایەتی ئێکس پەیامێکی بڵاوکردەوەو داوای لە کۆمەڵی نێودەوڵەتیی کرد کەمینەکانی سوریا لە دەست شەرع و گرووپە تووندڕەوەکان بپارێزێت.

جەدعون ساعر، وەزیری دەرەوەی ئیسرائیل رایگەیاند "سوریای سەردەمی ئەحمەد شەرع بۆ کورد و دروزەکان زۆر ترسناکە و لە ماوەی شەش مانگی رابردوودا بە بەڵگەوە تاوانەکانی شەرع و گرووپەکەی سەلمێنراوە".

ئاماژەی بۆ ئەوەشکرد "وتارەکەی شەرع پشتیوانی بوو لە جیهادییەکان و هۆزە بەدەوەییەکانی وەک کەسانی خاوەن شەرەف و بەها وەسف کرد، هەروەها دژی دروزەکان قسەی کرد کە قوربانین لەو وڵاتە".

ب ح