مەودا میدیا-

سەرۆكوەزیرانی عیراق لەبارەی یەكلاییكردنەوەی دۆسیە دارایی و كارگێڕییەكانی نێوان هەرێم و بەغدا، داوا لە حكومەتی هەرێم دەكات پابەندییە داراییەكانی سەرشانی بەپێی یاسا و دەستور جێبەجێ بكات، بۆئەوەی وەزارەتی دارایی فیدراڵییش بەردەوام بێت لە ناردنی شایستە داراییەكانی هەرێم.

بەگوێرەی راگەیەندراوێكی نوسینگەی تایبەتی سودانی، سەرۆكوەزیرانی عیراق لە كۆبوونەوەكەدا باسی لە جێبەجێكردنی بڕیاری ژمارە (550)ی ئەنجومەنی وەزیران كرد كە لە كۆبوونەوەی نائاسایی رۆژی 17ی ئەم مانگە دەركراوەو تایبەتە بە چارەسەركردنی دۆسیە دارایی و كارگێڕییەكان لەگەڵ حكومەتی هەرێمی كوردستانی عیراق.

سودانی وێڕای ستایشكردنی ئەو هەوڵانەی كە بەهۆیەوە دەرچوونی بڕیارەكەی لێكەوتەوە، جەختیشی لەوە كردەوە كە پێویستە حكومەتی هەرێمی كوردستان پابەندییە داراییەكانی سەرشانی بەگوێرەی یاسا و دەستوور جێبەجێ بكات، بۆئەوەی دەرفەت لەبەردەم وەزارەتی دارایی حكومەتی فیدراڵ بڕەخسێت لە جێبەجێكردنی ئەركە داراییەكانی بەردەوام بێت. 

ع