مەودا میدیا-

وەزیری دەرەوەی ئەمەریکا بە تەلەفۆن قسەی لەگەڵ محەمەد شیاع سودانی سەرۆکی حکومەتی عیراق کردووە و سێ داواکاریی ئەمەریکای پێگەیاندووە.

ماركۆ روبیۆ، وەزیری دەرەوەی ئەمەریكا بە تەلەفۆن قسەی لەگەڵ سودانی كردووە، بەپێی راگەیەندراوێکی وەزارەتی دەرەوەی ئەمەریکا، ئەمەریكا نیگەرانە لە پرۆژە یاسای حەشدی شەعبی و بە سودانی وتووە ئەم پڕۆژە یاسایە دەبێتە هۆی بە دامەزراوەیکردنی هەژمونی ئێران و گروپە چەکدارە تیرۆریستییەکان.

هەروەها رۆبیۆ لەسەر هێرشەکانی سەر ژێرخانی وزەی هەرێمی كوردستان و ئەو كێڵگە نەوتیانەی لەلایەن کۆمپانیا ئەمەریکییەکانەوە بەڕێوەدەبرێن، سودانی ئاگادار كردۆتەوە لە گرنگی لێپرسینەوە لە ئەنجامدەرانی هێرشەکان و رێگریکردن لە دووبارەبونەوەیان کردەوە.

باس لەوەشکراوە "ماركۆ ڕۆبیۆ لەگەڵ سودانی باسی لە گرنگی بەردەوامی پێدانی مووچەی هەرێمی کوردستان و دەستپێکردنەوەی هەناردەکردنی نەوت لە رێگەی بۆریی عێراق-تورکیاوە کردووە".

ع