مەودا میدیا-

ئەمرۆ دووشەممە 2025/7/28، لە ناحیەی حاجی ئۆمەرانی سەربە پارێزگای هەولێر  هاوڵاتییەک بە ناوی (س،س) و دوو کچی بەهۆی هێرشی زاواکەیان برینداربوون.

بەپێی زانیارییەکان، زاوای ماڵەکە بە رەگەز ئێرانییەو ئەمڕۆ لە ئێرانەوە هاتووە بۆ ماڵی خەزووری لە ناحیەی حاجی ئۆمەران، بووە بە دەمەقاڵێیان و زاواکەیان بە چەقۆیەک هێرشی کردووەتەسەر خەزووری و دوو چەقۆی لێداوە و دواتر هاوسەر و خوشکی هاوسەرەکەی داوەتەبەر چەقۆ.

بەڕێوەبەری نەخۆشخانەی حاجی ئۆمەران رایگەیاند "لەئێستادا باری تەندروستی بریندارەکان جێگیرە و سەبارەت بە برینداربوون یان دەستگیرکردنی تۆمەتبارەکە هیچ زانیارییەک بەردەست نییە".

ب ح