مەودا میدیا-

شارەزایەکی بواری کەشناسی ئاشکرایکرد بای شەماڵ چالاک دەبێتەوە و رەشەبا کۆتایی دێت شەپۆلی گەرمای بەهێزیش بۆ ماوەی چەند رۆژێکی تری درێژەی دەبێت.

شاڵاو هیدایەت، شارەزای بواری کەشناسی بە مەودا میدیای راگەیاند "پێشبینی دەکرێت ئەو رەشەبایەی ماوەی چەند رۆژێکە لەسەر ناوچە جیاوازەکان چالاکە بە تایبەت ناوچەکانی رۆژهەڵاتی هەرێم ، بۆ ماوەی دوو رۆژی تریش بەردەوام بێت و رۆژی دووشەممەی ئەم هەفتەیه کۆتایی دێت".

ئاماژەی بۆ ئەوەشکرد "دوای ڕەشەباکە، بای شەماڵ بە ئاڕاستەی رۆژئاوای هەرێمی کوردستان هەڵدەکاتەوە و لە ناوەڕاستی هەفتە بەولاوە بەتایبەتی،  کاریگەر دەبێت لەسەر دابەزینی پلە کانی گەرما لەسەرجەم ناوچەکان".

ئەوەشی خستەڕوو "ماوەی چەند رۆژێکه شەپۆلێکی گەرمای بەهێز روویکردووەتەوە ناوچە جیاوازەکانی هەرێم، ئەم شەپۆلە گەرمایە گڕاوی و بەهێزە رۆژانی داهاتووش درێژەی دەبێت، لە رۆژی سێشەمەوەو بەولاوە  کاریگەری کەمدەبێتەوە".

ب ح