مەودا میدیا-

سەرۆکایەتی پەرلەمانی عیراق ئاشکرایکرد بەهۆی تەواو نەبوونی نیسابی یاساییەوە دانیشتنی ئەمڕۆ ئەنجام نەدراوە و دواخراوە بۆ كاتێكی تر، هەروەها لیستی ناوی ئەندامانی ئامادەنەبووشی بڵاوكردەوە.

موحسین مەندەلاوی، جێگری یەكەمی سەرۆكی پەرلەمانی عیراق رایگەیاند "دوای دانیشتنەكە ناوی ئەو پەرلەمانتارانە بڵاودكرێتەوە كە لە دانیشتنی ئەمڕۆ ئامادەنەبوون بۆ هەریەکەیان بڕی یەک ملیۆن دینار سزا دەدرێن".

بەپێی زانیارییەکان، 164 پەرلەمانتار لە دانیشتنەکەی ئەمڕۆی پەرلەمان ئامادە نەبوون کە 27 پەرلەمانتار لە فراکسیۆنە کوردستانییەکانیش لە ریزی ئەو پەرلەمانتارانەدان سزادراون.

ب ح