مەودا میدیا-

ئەندامێکی پەرلەمانی عیراق لە فراکسیۆنی یەکێتی هۆکاری بەشداریی نەکردنی لە دانیشتنەکەی ئەمڕۆ بڵاوکردەوەو ئاشکرایکرد لە پەرلەمان بوون بەڵام بەشداری دانیشتنەکەیان نەکردووە.

د.بڕیار رەشید، ئەندامی پەرلەمانی عیراق بە مەودا میدیای راگەیاند "بەشداری نەکردووە لە دانیشتنەکەی ئەمڕۆ چونکە زانیاریان پێگەشتووە کە نیەت هەیە هەندێک یاسا بێننە ناو دانیشتنەکەوە کە ئایندەی عیراق و هەرێمی کوردستان دەخاتە مەترسیەوە".

ئاماژەی بۆ ئەوەشکرد "بۆیە وێڕای ئامادەبوونی لە ناو پەرلەمان لەگەڵ هاوڕێکانی، بەڵام ئامادە نەبووە بچنە ناو دانیشتنەکەوە و بەمشێوەیە  دانیشتنەکە ئەنجام نەدرا و نیسابی یاسای دروست نەبوو".

ب ح