مەودا میدیا-

وەزیری ناوخۆی هەرێم ئاشکرایکرد پرسی مووچە بووەتە چیرۆکێکی دوور و درێژ، لەگەڵ ئەوەی مووچە مافێکی سەرەتایی خەڵکی کوردستانە و پێویستە بەغدا مووچەی خەڵک بنێردرێت و چیتر بیانوو بە هەرێمی کوردستان نەگیرێت.

رێبەر ئەحمەد، وەزیری ناوخۆی هەرێم رایگەیاند "بڕینی مووچە و بودجەی کوردستان هیچی کەمتر نییە لەو کارەساتانەی پێشتر بەسەر هەرێمی کوردستاندا هاتووە".

ئاماژەی بۆ ئەوەشکرد "حکومەتی هەرێم هەموو پابەندییەکی خۆی بەرانبەر بەغدا جێبەجێ کردووە، ئەو رێککەوتنەی کراوە لە دەرەوەی یاسا و دەستوورە، بەڵام بۆ ئەوەی مووچەی خەڵکی کوردستان خەرج بکرێت، مەسرور بارزانی رێککەوتنەکەی پەسەند کردووە".

ئەوەشی خستەڕوو "لیژنەیەکی لێکۆڵینەوەی هاوبەش لەبارەی هێرشە درۆنییەکان لەنێوان هەرێم و بەغدا لیژنەیەکی تەکنیکی پێکهێنراوە بۆ ئەوەی یەکلای بکاتەوە ئەو درۆنانە سەربە کامە گرووپی چەکداری عیراقن".

ب ح