مه‌ودا میدیا-

باڵیۆزى عیراق له‌ تونس رایگه‌یاند، ژماره‌یه‌ك كۆچبه‌رى عیراقى له‌ وڵاتى تونس ده‌ستگیركراون و سه‌رجه‌میان كوردن.

عەبدولحەكیم قەساب، باڵیۆزی عیراق لە تونس رایگەیاند "لەلایەن حكومەتی تونسەوە ئاگادار كراینەوە، 37 هاوڵاتیی عیراقی كە سەرجەمیان كوردن، لە شاری قلیبییە دەستگیركراون".

باس له‌وه‌شكراوه‌ "بەهۆی ئەوەی هیچ یەكێك لە كۆچبەرەكان زمانی عەرەبی نازانێت، بۆیە تائێستا حكومەتی تونس ئەو دۆسیەی یەكلایی نەكردووەتەوە و بەدوای وەرگێڕێكدا دەگەڕێن".

هه‌روه‌ها "هەموو هەوڵێك دەدەین بۆ ئازادكردنیان و ئەگەر هیچ تۆمەتی تاوانێكیان لەسەر نەبێت، ئازاد دەكرێن، كۆچبەرە كوردە دەستگیركراوەكان دۆخی تەندروستییان باشە".

ع