مەودا میدیا-

ئەمڕۆ شەممە 2025/8/23، سوپای تورکیا رێگەی بە جووتیارانی گوندی گوهەرزێی سەربە قەزای ئامێدی نەدا بچنە سەر زەویی و رەز و باخەکانیان کە بڕبڕەی پشتی ژیانی ئابووری دانیشتووانەکەی بوون.

ئەحمەد سەعدوڵڵا، ئەنجومەنی گوندی گوهەرزێ رایگەیاند "سوپای تورکیا رێگری لە ژمارەیەک گوندنشین کردووە بگەڕێنەوە زێدی خۆیان بەمەبەستی دروێنەکردنی بەروبوومی هاوینەیان کە سەرچاوەی سەرەکی بژێوی ژیانیانە".

ئاماژەی بۆ ئەوەشکرد "ئەمڕۆ  زیاتر لە 40 جووتیاری گوندەکە هەوڵیانداوە بگەڕێنەوە سەر رەز و باخەکانیان، کە ساڵانێک لەمەوبەر بەهۆی تۆپبارانی سوپای تورکیا بە پاساوی بوونی پەکەکە گوندەکەیان جێهێشتووە، بەڵام هێزێکی تورکیا کە لە 20 سەرباز و زرێپۆش پێکهاتبوون رێگرییان لە جووتیارەکان کردووە".

ب ح