مه‌ودا میدیا-

بە گوێرەی لێدوانی بەرپرسان لە سنووری شارى سلێمانی، بە دوو قۆناغ زیاتر لە 20 هەزار پارچە زه‌ویی بەسەر فەرمانبەراندا دابەشکراوە و کۆی گشتیی ئەو زەوییانەی لە قۆناغی یەکەمدا دابەشکراون، دوو هەزار و 861 پارچە زەویی بوون.

لە قۆناغی دووەمیشدا 17 هەزار و 827 پارچە زەویی بە تیروپشکی ئەلیکترۆنی بەسەر فەرمانبەراندا دابەشکراوە، کۆی گشتیی ئەو پارچە زەوییانەی دابەشکراونن گەیشتووەتە 20 هەزار و 688 پارچە زەوی.

ئەو زەوییانەی لە سنووری شارى سلێمانی بەسەر فەرمانبەراندا دابەشدەکرێن، دەکەونە ناوچەکانی تانجەڕۆ، سۆتکە و تاسڵوجەوە.

سەربەست مەولود، سەرۆکی لیژنەی دابەشکردنی زەویی فەرمانبەران  رایگەیاند "لە قۆناغى یەکەم و دووەمى دابەشکردنى زەویدا 470 هەزار فەرمانبەر رەزامەندى وەرگرتنى زەوییان هەیە و وردبینى بۆ ناوى 10 هەزارى دیکەش دەکرێت، بۆ ئەوەى زەوییان پێبدرێت".

ع