مەودا میدیا-

به‌ڕێوه‌به‌رایه‌تی پۆلیسی زاخۆ ئاشکرایکرد له‌ سنووری ناحیه‌ی باتێلی سه‌ر به‌ئیداره‌ی سه‌ربه‌خۆی زاخۆ هێزه‌كانی ئاسایش تۆمه‌تبارێكیان ده‌ستگیركردووه‌ كه‌ هه‌ڵساوه‌ به‌كوشتنی كوڕه‌كه‌ی خۆی کە خەڵکی سنووری نەینەوان لە زاخۆ نیشتەجێن.

به‌ڕێوه‌به‌رایه‌تی پۆلیسی زاخۆ رایگەیاند "تۆمەتبارەکە ناوی (ز،ج،س) له‌ئێستادا ره‌وانه‌ی پۆلیسی زاخۆ كراوه‌ و لێكۆڵینه‌وه‌ی له‌گه‌ڵ ئه‌نجامده‌درێت و ده‌ستیش به‌سه‌ر ئه‌و چه‌كه‌دا گیراوە كه‌ تاوانه‌كه‌ی پێکراوە".

ئەمە لە کاتێکدایە، دوو رۆژ له‌مه‌وبه‌ر کوڕەکەی تۆمه‌تباركرابوو به‌ كوشتنی ژنێكی ته‌مه‌ن 19 ساڵ له‌ گوندی بازڵیه‌ی قه‌زای به‌عشیقه‌ له‌ رۆژهه‌ڵاتی موسڵ و دزینی پارەکەی كه‌ بڕی 80 ملیۆن دیناری عیراقی بووە.

ب ح