مەودا میدیا- 
كۆمپانیای دابەشكردنی بەرهەمە نەوتییەكانی عیراق رایگەیاند"پرۆسەی دابەشكردنی نەوتی سپی ئەمساڵ لەسەرجەم پارێزگاكان جگە لە هەرێمی كوردستان، بەپێی میكانیزمێكی نوێ بەڕێوەدەچێت. 

لە راگەیەنراوێكدا كۆمپانیای دابەشكردنی بەرهەمە نەوتییەكان لە پارێزگای نەینەوا ئاماژەی بۆ ئەوەكردووە"ئەمساڵ ناوتۆماركردن تەنها لە رێگەی ئەپڵیكەیشنێكەوە دەبێت بە ناوی "نەوتی تۆ" كە تایبەتە بە تۆماركردنی ناوی هاوڵاتییان بۆ وەرگرتن و دابەشكردنی نەوت". 

ئاماژەی بۆ ئەوەشكردووە"پێویستە سەرجەم هاوڵاتیان ئەپڵیكەیشنەكە دابەزێنن و لە رێگەی لینكی ناو ئەپڵیكەیشنەكەوە ناویان تۆمار بكەن بە مەرجێك ژمارەی تەلەفۆنی بەكارهاتوو لەگەڵ خزمەتگوزاری واتساپ چالاك بكرێت".

باسی لەوەشكردووە"دوای خۆتۆماركردن لە رێگەی ئەپڵیكەیشنەكەوە، نامەیەك لە رێگەی ژمارە تەلەفۆنی بەكارهاتووەوە دەگاتە دەستی هاوڵاتییەكە و باركۆدێكی تێدایە كە ئەو باركۆدە لە جیاتی كۆبۆنەكەی پێشووتر بۆ وەرگرتنی بەشەنەوت بەكاردەهێنرێت و كاری پێدەكرێت".
ئ پ