مه‌ودا میدیا-

قەبزی لە منداڵاندا کێشەیەکی باوە و زۆرجار جێگەی نیگەرانی دایک و باوکانە. بەگشتیی بەوە پێناسە دەکرێت کە منداڵەکە لە هەفتەیەکدا کەمتر لە سێ جار پیسایی بکات، یان پیساییەکەی رەق بێت و بە ئازارەوە بێت.

دكتۆر پشده‌ر عه‌بدوڵڵا، پزیشكى پسپۆڕى منداڵان نوسیویه‌تى "هۆکارەکانی قەبزی لە منداڵاندا بۆ سیستەمی خۆراکی ده‌گه‌ڕێته‌وه‌، کەمی ریشاڵ (Fiber): نەخواردنی میوە، سەوزە و دانەوێڵە تەواوەکان دەبێتە هۆی ڕەقبوونی پیسایی".

هه‌روه‌ها چه‌ند هۆكارێكى تر:

* کەمی شلەمەنی، ئەگەر منداڵ ئاوی پێویست نەخواتەوە، کۆڵۆن ئاو لە پاشماوەی خۆراکەکان دەمژێت و پیساییەکە رەق دەکات.
* بەکارهێنانی زۆری شیرەمەنی: لە هەندێک منداڵدا، خواردنی بڕێکی زۆر لە شیری مانگا یان پەنیر دەبێتە هۆی قەبزی.

 هۆکارە رەفتارییەکان:

* خۆگرتنەوە (Withholding): زۆرجار منداڵان بەهۆی یاریکردن یان شەرمکردن لە بەکارهێنانی توالێتی قوتابخانە و شوێنە گشتییەکان، پیساییەکەیان رادەگرن، ئەمەش وای لێ دەکات پیساییەکە گەورەتر و رەقتر بێت.
* ترس لە ئازار: ئەگەر پێشتر منداڵەکە ئەزموونی پیساییەکی بە ئازاری هەبووبێت، لەوانەیە بترسێت و هەوڵ بدات خۆی بگرێتەوە بۆ ئەوەی دووبارە ئازاری نەبێت.

 گۆڕانکاری لە رۆتینی ژیاندا:
* فێربوونی توالێت (Potty Training): ئەگەر فشار لە منداڵ بکرێت زوو فێری توالێت بێت، لەوانەیە وەک کاردانەوەیەک خۆی بگرێتەوە.
* گۆڕینی جۆری شیر: گۆڕینی شیری دایک بۆ شیری قوتوو، یان دەستپێکردنی خواردنی رەق بۆ یەکەمجار.
* سەفەر و گۆڕینی شوێن: گۆڕانی کات و شوێنی تەوالێت کاریگەری لەسەر جووڵەی ریخۆڵە دەبێت.

 هۆکارە تەندروستییەکان (کەمتر باون)
* نەخۆشییەکان: وەک تێکچوونی غودەی دەرەقی، هەستیاری بە گلوتین (Celiac disease)، یان کێشە لە کۆئەندامی دەمار.
* دەرمان: هەندێک جۆری دەرمان (وەک تەواکەرەکانی ئاسن یان هەندێک دەرمانی کۆکە) دەبنە هۆی قه‌بزى.

ع