مەودا میدیا-

 

خوشکێکی رابەری باڵای ئێران  علی خامنەیی، نیگەرانە لەو هەڵسووکەوتانەی لە گەڵ خەڵکی ئێراندا دەکرێت و دەڵێت، "داوا لە سوپای پاسداران دەکەم چەکەکانیان دابنێین و بچنە ناو خەڵک".
 
بەدری حەسەن خامنەیی خوشکی عەلی خامنەئی، لە نامەیەکەدا کە لەڕێی کوڕکەیەوە لە فەڕەنسا بڵاوکراوەتەوە، سەرکۆنەی پەلامارەکانی سەر خۆپیشاندەران دەکات و لای خۆشییەوە هاوسۆزی بۆ کەسووکاری ئەو کەسانە دەردەبڕیت کە منداڵەکانیان لە دەستداوە و لەئەنجامی توندوتیژییەکانی سوپای پاسداران ئازاریان پێ گەیشتووە.

هەروەها ڕەخنەی توندی لە دەسەڵاتی ئێران گرت کە براکەی رابەرایەتی دەکات و دەڵێت، دژی ئەو کارانەیە کە براکەی دەیکات و پەیوەندی لەگەڵ براکی نەماوە.

قسەکانی بەدری حەسەن لەکاتێکدایە کە لەماوەی رابردووشدا چەندین ناڕەزایی سەبارەت بە ئاڵۆزی و هەڵسووکەتی هێزە ئەمنییەکان بەرامبەر خۆپیشاندەران لە لایەن بەشێک لە بەرپرسانی ئەو وڵاتەوە دروستبوو.

 
ژ.م