مەودا میدیا-

وەزارەتی بازرگانیی عیراق رایدەگەیەنێت برنجی سپیی دەنک درێژ بۆ مانگی داهاتوو دابینكراوە، ئاماژە بەوەکراوە كوالێتی برنجەكە لە جۆری هەرە برنجە باشەكانە.

ئەمڕۆ چوارشەممە وەزارەتی بازرگانیی عیراق رایگەیاند "40 هەزار و 200 تۆن برنجی جۆری تایلەندی گەیشتووە و بۆ سەبەتەی خۆراك دابیندەكرێت، ئێستا تیمێكی پشكنەری تاقیگەیی لە بەشی كۆنترۆڵی كوالێتی، نموونەی برنجەكەیان وەرگرتووە بە مەبەستی ئەنجامدانی پشكنینی پێشوەختە و دواتر رەوانەكردنی نموونەكان بۆ تاقیگەی بەشی كۆنترۆڵی كوالێتی ناوەندی".

ئاماژە بەوەکراوە "ئێستا پلانی دابەشكردن دادەنێین و بەپێی پێویستی بۆ هەر شار و شارۆچكەیەك دابەشی دەكەین، دابەشكردنەكەشی لە چوارچێوی سەبەتەی خۆراك دەبێت".

لەبارەی كوالێتی برنجەكە وەزارەتەکە دەڵێت "كوالێتی برنجەكە یەكێكە لە برنجی سپیی دانەوێڵەیی درێژ، لە ڕیزی جوانترین و باشترین جۆرەکانی برنجە".

س،ر