مەودا میدیا-

بەڕێوبەرایەتیی نەهێشتنی تاوانی بەسرە دەستگیرکردنی 95 دەرۆزەکەری لە پارێزگای بەسرە راگەیاند، ئاماژەی بەوەدا کە سواڵکەرەکان هەموویان خەڵکی پارێزگاکانی باکووری عیراق و هەرێمی کوردستانن.

ئەمڕۆ هەینی 24ی ئاداری 2023 بەڕێوبەرایەتیی نەهێشتنی تاوانی بەسرە رایگەیاند "95 دەرۆزەکەرمان دەستگیرکردووە کە هەموویان خەڵکی پارێزگاکانی باکووری عیراق و هەرێمی کوردستانن".

ئاماژە بەوەشکراوە "لەو ژمارەیە 50 یان منداڵن و 30 کەسیان لەرەگەزی مێن و 15 کەسیشیان پیاوبوون، کە بەمەبەستی سواڵکردن هاتبوونە سەنتەری شاری بەسڕەوە".

ئەوەشخراوەتەڕوو "ئەو دەرۆزەکەرانە لە هۆتێلەکانی ئەلئەشار (ئوم البروم)دا دەمانەوە و رادەستی دادوەر کراون، دادگاش  بڕیاری دەستگیرکردنیان داوە بەپێی مادەی پێنجەمی بازرگانیکردن بە مرۆڤەوە".

س.ر