مەودا میدیا-

وەزارەتی نەوتی عیراق رایدەگەیەنێت داهاتی نەوت لە مانگی رابردوو زیاتر لە حەوت ملیار دۆلار بووە، ئاماژە بەوەشدەکات  نرخی بەرمیلێک نەوتی فرۆشراویش 74.38 دۆلار بووە.

لە راگەیەندراوێکدا وەزارەتی نەوتی عیراق کە پشتی بە ئاماری کۆمپانیای سۆمۆ بەستووە، بە درێژایی مانگی ئاداری 2023 زیاتر لە 100 ملیۆن و 913 هەزار بەرمیل نەوت هەناردەکراوە، کە داهاتەکەی زیاتر لە حەوت ملیار دۆلار بووە.

ئەوەشخراوەتەڕوو، زیاتر لە 98 ملیۆن 875 هەزار بەرمیل نەوت لە کێڵگەکانی باشوور و ناوەڕاستی عیراق هەناردەکراوە و بڕی ملیۆنێک و 727 هەزار بەرمیلیش لە کێڵگەی کەرکوک هەناردەکراوە.

س،ر