مەودا میدیا-

بڕیارە سێ وەزیری حکومەتی عیراق بانگهێشتی ئەنجومەنی نوێنەرانی عیراق بکرێن بۆ گفتوگۆکردن لەسەر پرسی بودجە و پشکی وەزارەتەکانیان.

عەتوان عەتوانی، سەرۆکی لیژنەی دارایی لە ئەنجومەنی نوێنەرانی عیراق بە ئاژانسی هەواڵی عیراقی راگەیاندووە "بە مەبەستی هەڵسەنگاندن و گفتوگۆ لەبارەی پشکی وەزارەتەکانیان لە پرۆژە یاسای بودجەی عیراق، لەگەڵ وەزیرانی تەندروستی، بەرگری و کارەبا کۆدەبینەوە".

تەیف سامی، وەزیری دارایی عیراق ئاشکرایکردووە "ئەگەری ئەوە هەیە بەشێک لە بەندەکانی بودجەی دووساڵی داهاتووی عیراق دەستکاری بکرێت".

س.ر