مەودا میدیا-

ئەمڕۆ هەینی 26ی ئایاری 2023 بەهۆی وەرگەڕانی بەلەمە چووپەکەیان لە دەریای ئیجە سێ کۆچبەر گیانیان لەدەستداوە و ژمارەیەکی دیکەش بێسەروشوێنن.

بەرپرسانی دوورگەی میکۆنۆسی یۆنانی رایگەیاند "بەهۆی وەرگەڕانی بەلەمە چووپەکەیان لە دەریای ئیجە لە نزیک دوورگەکە، سێ کۆچبەر گیانیان لەدەستدا و 12ی دیکەش بێ سەروشوێنن، کۆچبەرەکان سوریی و فەلەستینی بوون".
 
هەوڵەکانی گەڕان بەدوای کۆچبەرە بێسەروشوێنەکان لە رێگەی دوو هێلیکۆپتەری پاسەوانی کەناراوەکانی یۆنان و چەند کەشتییەکی تایبەت دەستیانپێکرد، دوای ئەوەی کە هاوڵاتییەکی فەلەستینی و یەکێکی سوریی بە مەلەکەی خۆیان گەیاندە سەر بەردەکانی نزیک کەنارەکان، چەند کاژێرێک دوای ئەوە، تەرمی دوو ژن و پیاوێک لە دەریای ئیجەدا دۆزرانەوە.

س،ر